MAALINTII AAN QORAAGA NURUDDIIN DILKA KA BAAJAY!

(THE DAY I UNKNOWINGLY SAVED ‘NURUDDIN’s LIFE)

W.Q. Siciid Jaamac Xuseen

 

Siciid Jaamac Xuseen

Maalin walba tobannaan kun ayaa geeriyooda, oo inta ay isugu dhow yihiin mooyee cid ka warqabta ama danaysaa aanay jirin.  Marka keliya ee geeridu qaran iyo in ka badan cuskataa, waa hadday ku timaaddo cid si weyn loo danaynayo.  Dhaawaca iyo halista uu qofku galaana taasoo kale ayay la mid tahay.  Qoraaga Soomaaliyeed ee adduunka caanka ka ah Nuuraddiin Faarax, ayaa ii sheegay inaan beri ka badbaadiyay shirqool lagu damacsanaa in lagu dilo.

Siday ku dhacday?!

Carwadii ugu weynayd ee loo qabto dad ka soo jeeda Afrika iyo tafiirankeeda, ayaa lagu qabtay dalka Nayjeeriya caasimaddeedii hore LAGOS (imminka ABUJA ayaa xarruntii dalka loo raray).  Dalalka ka soo qaybgalay tiro loo ma goyn ee waxay ku xirnayd cid waliba gaadiidka ay soo raacayso.  Soomaaliya 160 wax dheer yihiin ayay carwadaas kaga qaybgashay.  Dad Soomaaliya u dhashay balse aan toos uga socon dalkii, ayaa iyana carwadaa iskeenay.  Si fiican waxaan u xasuustaa Maxamed Jaamac Jibriil oo ka yimi Maraykanka iyo qoraaga Nuuraddiin oo ka socday dalka Britayn.  Carwadu tobannaan barnamij oo kala duwan ayay u kala baxaysay- ciyaaro, heeso, filimmo, dharxirasho, bandhig qalab hiddeed, doodwadaagyo iyo kuwo kale.

Nuuraddiin goobta na kulansiisay waxay ahayd doodwadaagga ( the colloquim) ay aqoonyahanno badani isugu yimaaddeen.  Mawduuca laga wada xaajoonayay wuxuu ahaa ‘ Kaalinta ay fanka iyo suugaantu ka ciyaarto horumarka dalka’ iyadoo qof waliba aragtidiisa dhiibanayo.  Dooddaas Soomaaliya waxaa uga qaybgalay dhawr qof oo ay ka mid ahaayeen Muuse I Galaal, Xuseen Maxamed Aadan (Hussein Tanzania), Aamina A Yaaxeen, Deeqa Colujoog, Shire Jaamac Axmed, Boobe Yuusuf Ducaale iyo kuwo kale.  Nuuraddiin si madaxbannaan ayuu kulankaas uga dhex muuqday. Micnaha kama tirsanayn kooxda Soomaaliyeed, mucaaradnimadiisana ma qarsanayn.  Dalka martida loo ahaa ee Nayjeeriya aqoonyahanno badan ayaa shirka u yimid uu ugu caansanaa qoraaga Wole Soyinka ee Nobel Prize-ka qaba.  Soomaalida dhinaceeda waxaa ugu cadcaddaa Dr. Xuseen Tanzania markay dhafoor-taabashada iyo qarannimo u hadalka tagto.

Labada aqoonyahan ee  Xuseen iyo Nuuraddiin isma indha-buuxiyaan oo waxaa ka muuqatay in aanay isku san bannaanayn.  Laba mawqif oo kala geddisan ayay kala taagnaayeen.

Gebagebadii Carwada, dalka martida loo yahay wuxuu kooxihii ka soo qaybgalay ku martiqaaday bandhig dhaqameed lagu qabanayay gobolka Kaduna (Kaduna State) ee waqooyiga dalka ku yaal.   Bandhiggaas sannad walba waa la qabtaa.  Wuxuuna caan ku yahay dhoollatus hiddeed oo isugu jira awr rakuub ah iyo farda-fuul lagu dabbaaldegayo.  Intaas waxa kooxda Soomaaliyeed u dheeraa in iyaga laga martiqaaday gobolka Plateau State magaala-madaxdiisuna tahay JOS.

Isaguna wuxuu ku yaal waqooyiga dalka Nayjeeriya oo waxa loo sii maraa KADUNA.

Dawlad goboleedka Plateau State ayaa kooxdii Soomaaliyeed ee ka qaybgashay carwadii LAGOS martiqaad u fidisay oo ka codsatay inay u soo bandhigaan riwaayad Soomaalidu ka dhigtay Lagos oo lagu magacaabo ‘DURBAAN’ (The Drum) oo telfiishannada dalkaa oo idil laga daawaday.  Codsigaa waa loo fuliyay.

Nuuraddiin oo sidiisa u danaynayay bandhigga Kaduna, qorshe kalena u socda ayaan sii wada raacnay tireenkii Kaduna u ambabaxayay.  Madaama aanu aqoon hore isu lahayn, ayaannu intii tireeenka la wada saarnaa, sheeko iyo waraysi aan rasmi ahayni na dhex maray.  Anigu xilligaas Nuuraddiin walaalkiis ka weyn oo la yiraahdo Maxamed Faarax Xasan, ayaannu madaxtooyada Soomaaliya ka wada shaqaynaa, laba agaasimena ka nahay oo aqoon iyo saaxiibnimo wanaagsani naga dhexaysaa.   Iswaraysiga kale ka sokow, Nuruddiin aad ayuu u danaynayay warka walaalkiis Maxamed ee aan si xogogaalnimo furfuran ugu gudbinayay, ay wehelisay ballanqaad in wixii farriin ah aan ka gaarsiin doono walaalkiis markaan dalkii ku noqdo.

Magaalada Kaduna markii tireenkii nala galay, ayaanu Nuuraddiin kala xiriir furannay.  Waxaa noo xigtay, labaatan sano ka dib 1997kii oo aanu ku kulannay magaalada London.  Dhacdada markan isu kaaya keentay waxay ahayd aasaasiddii «Ururka Qoraaga iyo Hal-abuurka Soomaaliyeed» ee loo yaqaan ‘Somali P. E N Centre’ ,  uu isagu asaase ka ahaa iyo xubin duqeydeeda; aniguna guddoomiye-xigeen ka ahaa.  Xaflad qado sharaf  qoraaga Nuuraddiin lagu maamuusayo, ayaa naloogu qabtay guriga saaxiibkayo Khaalid Macow Cabdilqaadir.  Mar kale ayaannu Nuuraddiin isla soo qaadnay carwadii Nayjeeriya ee labaatanka sano ka hor aanu ka wada qaybgalnay iyo socdaalkii Lagos ilaa Kaduna aan tireenka wada raacnay.  Casuumadda lagu fara yaraystay, kulanka saaxiibbada isu hiloobay, iyo jawiga macaan oo si roon aannu u mahadinay ka dib, ayaa saxiibkay Nuuraddiin farta iga saaray sirtii sheekadan aan hordhaceeda ku yar dheeraaday.

-’Siciidow, ma ogtahay inaad adigoo aan isogayn dil la ila maaganaa iga baajisay?’

-’War khayr qaba ayaad sheegtay, ee bal ii faahfaahi’

-’ Ma xasuusataa tireenkii aynnu Lagos ka raacnay markaynu ku soconay Kaduna,

dhammaadkii carwada FESTAC ka dib?’

-’Haa oo si fiican ayaan u xasuustaa, ee maxaa iska galay safarkaa iyo dilkaaga,

waa yaabe?’

‘ Anaa kuu sheegaya, ee tireenkaa waxaa la socday rag la ii soo diray inay aniga i dilaan.  Adigu waxba lama aad socon ee waxaad gashay inaad walaalkay Maxamed iiga warrantid.  Ragga la ii soo diray meel aan innaga dheerayn ayay fadhiyeen oo hadalkeenna oo dhan si fiiccan bay ula socdeen.  Markaad iga tagtay ayay ii yimaaddeen oo i weydiiyeen inaan Ina Faarax Xasan ahay oo Maxamed Faaraxa Xamar ka shaqeeya aannu walaalo nahay. Haa, ayaan ugu jawaabay, ee maxaa jira oo soo kordhay.  Kolkaas ayay runtii ii sheegeen oo igu taabteen inay tireenka u soo raaceen si ay aniga i khaarijiyaan, jeer ay iswaraysigeennii ka maqleen inaan Maxamed wada dhalanay oo aan ina Faarax Xasan ahay.  Waxay intaas iigu dareen in loo sheegay inaan ahay qof ay dawladda Soomaaliyeed meel ay ka gasho weyday oo farta la iigu soo fiiqay keliya ee aanay war kale qof ahaan iga qabin.  Waxay aad uga naxeen inay mar dili gaareen inankuu dhalay odaygii reerka ee akhyaarka ahaa Faarax Xasan.  Sidaas ayaad ii badbaadisay.’

-’Maba aan ogayn, ee illayn gashi weyn ayaan kugu leeyahay!’

Qoraaga Nuuraddiin oo adduunka caan ku ah, qoraanimadiisa iyo qalinkiisuna bilan yahay, waxaan aad u jeclaan lahaa isagoo sheekadan wixii aan ka tegeyna daloolkeeda buuxiya, hab kale oo sidan ka farshaxansanna kusoo bandhiga, isagoo la kaashanaya hibada iyo hoodada uu u leeyahay suugaan curinta lagu yaqaan.  Sheekadan runteeda oo lagu kabo dareenka fannaanimo ee Nuuraddiin, waxaa hubanti ah in dad aan tiro yarayn oo Soomaali iyo ajnabiba lihi xiisaynayaan in loo soo daabaco.  Saaxiibkay Nuuraddiin caafimaadqab iyo cimridheeri ayaan u rajaynayaa, akhristayaashana Soonqaad ajar badan oo barakaysan.

Siciid Jaamac Xuseen

Emai: sjx2005@hotmail.co.uk

Shacabka Puntland Oo Guulaystay Fashiliyayna Maamulkii Faroole oo Rabay in uu Qabto Doorasho Deegaan Oo Uu Ku Shubto!!!

Dadwayne Gadoodsan oo Magalaada Qardho ku Gubaya Sanaaduuqdii Doorashada Deegaanka Maamul Gobledka Puntalnd

Garoowe — Madaxweynaha Maamul Goboleedka Somalia ee Puntland, C/rxmaan Maxamed Faroole ayaa ku dhawaaqay in la joojiyey doorashadii goleyaasha deegaanka oo maalinta berri ah qorshuhu ahaa in ay ka qabsoomto dhammaan gobollada Puntland.

 

C/raxmaan Faroole oo shir-jaraa’id ku qabtay xarunta Maamul Goboleedka Puntland ee Garoowe, ayaa sheegay in kaddib la tashi badan oo uu la sameeyey ku-xigeenkiisa Jen. C/samed Cali Shire, Gudoomiyaha Baarlamaanka C/rashiid Maxamed Xirsi , Golaha Wasiirrada iyo Guddiga Doorashooyinka iyo kan nabad gelyada uu go’aan ku gaarey in uu joojiyo doorashadii goleyaasha deegaanka ee Puntland ka qabsoomi lahayd maalinta berri ah.

Shirkan jaraa’id ee uu Faroole qabtay oo ahaa mid kooban, islamarkaana aysan war-baahinta loo ogolaanin in ay wax su’aalo ah weydiiso, waxa kale oo uu ka sheegay in sababta go’aankaas loo qaatay ay tahay; in la dhowro nabadgelyada iyo midnimada dadka Maamul Goboleedka Puntland.

Dr. Faroole wuxuu intaas raaciyey in Maamul Goboleedka Puntland aysan marna ka laaban doonin go’aankeedii ahaa in nidaamka maamul loo raro habka Dimuqraadiga, islamarkaana ay dalka ka qabsoomaan doorashooyin xor ah oo lagu galo nidaamka axsaabta badan.

“Waxay dowladdu dadka u ballan-qaadaysaa inay weli ku taagan tahay mowqifkeeda ahaa sidii loo hormarinlahaa nidaamka doorashooyinka iyo axsaabta badan, doorashada-na la qaban doono wakhtiga ku habboon, inshallah” ayuu yiri Faroole.

Madaxweynaha Maamul Goboleedka Puntland ayaa sidoo kale shirkiisa jaraa’id ka sheegay in ay jiraan kooxo isugu jira qas-wadeyaal iyo argagixiso – waa sida uu hadalka u dhigaye- kuwaasoo isu soo baheystey sidii ay xilliga doorashada Maamul Goboleedka Puntland khalkhal siyaasadeed uga abuuri lahaayeen, taasina ay tahay sababta ugu weyn ee doorashada loo hakiyey, maadaama ay dowladda mas’uuliyadi ka saaran tahay ilaalinta ammaanka iyo kala danbeynta.

Hadalka Faroole ayaa ku soo aadaya xilli saaka dagaal khasaare nafeed geystey magaalada Qardho uu ku dhex maray ciidamada Maamul Goboleedka Puntland iyo dadwayne hubeysan oo ka cadhaysan doorashada golayaasha deegaanka, magaalooyin iyo tuulooyin badan ayay dadwaynaha gadoodsani waxa ay dab qabadsiiyeen oo gubeen sanaaduuqdii codbixinta ee deegaanadooda la keenay.

Qaar ka mid ah sawirada sanaadiiqdii maanta dadwayne caraysani ku gubeen deegaanada Buur Saalax, Qardho, .

Wararka haatan naga soo gaaraya magaalada Gaalkacyo ee gobalka Mudug ayaa waxay sheegayaan in halkaasi lagu kala boobay sanaadiiqdii codaynta ee doorashada golaha deegaanka ee maamulka Puntland.
Waxaa la sheegay in dabley hubaysan ay gacanta ku dhigeen sanaadiiq badan oo la doonaayay in lagu codeeyo, waxaana sidoo kale ay gubeen 50 ka mid ah sanaadiiqdaasi.

Ilo wareedyo lagu kalsoon yahay ayaa inoo sheegay in ciidamada Puntland ay hadda is aruursanaayaan islamarkaana ay doonayaan inay la dagaalamaan Maleeshiyaadkaan.

Xaaladda Gaalkacyo aad ayeey u qasan tahay xilli walbana waxaa halkaasi laga filan karaa dagaalo qaraar oo ka qarxa iyo waxyeelo ka dhalata.

Sawirada Gaalkacayo

Sawirada Qardho

Somalia: New Scandal Faces Somalia Federal Government

BY MAALIK

Somali Federal Government Prime Minister Mr. Saacid

The cabinet led by the prime minister of Somalia recently met to discuss a proposed move to replace SKA international running with Favori LLC to manage Aden Adde international airport in Mogadishu.

13/6/2013 the weekly cabinet meeting stated that a Turkish company by the name Favori LLC was to immediately replace SKA in managing the airport.

Several local news outlets reported that the Turkish company was made months ago and has never even operated in an airstrip.

This raised the eye brows of many people including leading media stations in Mogadishu and the news keenly investigated.

Other concerns came out when the government stayed silent and never issued the reasons why the contract of SKA was being terminated as many residents in the capital believed that the company has efficiently managed the airport.

After thorough investigations, it has been revealed that top government officials were involved in corruption scandals in the deal which lead to Favori LLC to gain the contract to manage the airport.

The "dark deal" involved former transportation minister Mr. Muhyadin Kalmoye and prime minister Shirdon.

Sources close to Villa Somalia told us that the president was shocked to hear the contract agreement concluded and passed by the cabinet. The president ordered the of transport ministerial portfolio to removed from former TFG minister to the current communication and transportation minister Mr. Abdullahi Elmoge Hersi.

On 24/1/2013, sources said the Turkish Company has paid $3 before the contract was signed. Half of this was deposited in the central bank of Somalia and the whereabouts of the other half is not yet known

After this amount was paid by the Turkish company, the prime minister of the federal republic of Somalia and businessmen who happen to be close relatives of the president started a secret campaign to award the airport contract to Favori LLC..

Reports add that the prime minister appointed a ministerial committee to facilitate the implementation of the contract.

The committee includes assistant finance minister Mr. Mohamed Hassan. Assistant information minister Ibrahim Yarow, assists minister in the ministry general affairs Lady Nathifo and the permanent secretary of the prime minister's office.

However on 24/6/2013, the committee compiled a report to the prime minister complaining of many loopholes which they said makes the contract unacceptable to the Somali people.

The prime minister dissolved the committee and sacked his own permanent secretary who happen to be a member of the Committee as stated in the report.

The following are the loopholes which obstructed FAVOR from obtaining the airport contract according to a member of the committee who requested his name to be withheld.

1- The company had no experience to operate in an international airport and has never operated in related works.

2- The fact that they find out the proposed company was already involved in a corruption scandal for unlawfully paying large amounts which disappeared in the hands of corrupt officials.

3- The long duration which the company wanted to manage the airport as according to the contract, it stated duration of 20 years.

4- The contract states that government should not tax Favori LLC or ask for income from the airport for duration of 3 years.

5- That the name Favori was a joint name which consisted of two Turkish companies. One company deals with construction while the other one deals with security services. Another local company owned by close relatives of the president by the name Wardhere was also a joint stake holder in the contract.

The Turkish government has cleared the air and denied any involvement in the scandal.
It has warned the Somali government to be careful with companies that pretend to operate under the Turkish government and will not be accounted for in case of future scandals.

The fake companies who pretend to be from the Turkish government are said to be eyeing large amounts of money that the people of Turkey donated to Somalia during the 2011 famine.

This scandal comes at a time when Somalia's central bank was recently accused of corruption scandals by the United Nations.

It is believed that the UN is secretly watching the above scandal and will release a report once the contract is issued to the Favori LLC.

Faahfaahin: Qodobkii Heshiiska Istaanbuul ee ku Aadanaa Maamulka Hawadeena.. Wasiirka Madaxtooyada Somaliland

“Anagoo ka dhabaynayna Himilada Qaranka Waxaanu Maamulka Hawada Somaliland kusoo Celinay Gacanteena”

Mudane Xirsi Cali X.Xasan Wasiirka Madaxtooyada Somaliland

“Somaliland Cid Hoos Timaada Mooyaane Cidna Hoos Tegi Mayso”

“Waxaan leeyahay Ninka Maamulka Hawadeena Hargeisa u diidani Ma Xamar Buu la Rabaa”
Ugu Horayn Ramadaan Kariim, aniga oo tixgalinaya waydiimihiina iyo Fal-celinta shacabkayaga, taasoo iga soo gaadhay meelo kala duwan waxaan jeclahay in aan Faah-faahin idinka siiyo Qodob ku jiray Heshiiskii Istanbul.

Lagasoo bilaabo 1991-kii hawada Somaliland waxay ahayd mid aan faraha ugu jirin isla markaana ay Hay’adda Qaramada Midoobay u qaabilsan Maamulka Hawadu ku maamuli jirtay dalka Kenya, waxaanay sababtay in maamulka hawadeena iyo dhaqaalihiisuba faraheena ka baxaan, iyadoo ay taasi jirto ayey Qaramada Midoobay si deg-deg ku jiro ugu Wareejisay Maamulkii Hawadeena Dowlada Federalka ah ee Somalia.

Markii intaasi dhacday, Dowladda Somaliland way ka biyo diiday talaabadaasi ay Qaramada Midoobay ugu wareejisay Somalia Maamulka Hawada Somaliland waxaanay Dowladda Somaliland qaaday talaabo adag oo ay ku joojisay dhamaamba duulimaadyadii Diyaaradaha Qaramada Midoobay Ilaa inta heshiis laga gaadhayo arrinta Maamulka Hawada Somaliland.

5-tii Bishan July ayay ahayd markii Wafti ka socda Dowladda Somaliland u amba-baxeen dalka Turkiga si ay uga qayb-galaan Wajiga labaad ee Wada hadalada Somaliland iyo Somalia ku dhex marayey Magaalada Istanbul ee dalka Turkey-ga oo lagaga wada xaajoonayey qodobbo tiro badan oo Xaas-aasi ah oo Somaliland ahaan ay naga go’nayd sidii aanu Somalia iyo beesha Caalamkaba ugu qancin lahayn Madaxbanaanida iyo Gooni-isu taaga Somaliland ay tahay lama taab taan aan gor-gortan gali Karin, Waxaana shirkaasi guul taariikhi ahi uga soo hoyatay Somaliland oo kusoo guulaysatay in Dood dheer kadib ay hawadeedii ku soo ceshato gacanteena.

Waxaana la isku afgartay in Hawada Somaliland ay maamusho Guddi farsamo-yaqaano ah oo aynu u xilsaarno Maamulka Hawadeena, halka Somalia-na ay guddi farsamo-yaqaanno ah u xil-saaran doonto Maamulka Hawadeeda lagana maamuli doono Hargeisa anagoo cod dheer ku sheegnay in Somaliland cid Hoos timaada mooyaane aanay cidna hoos tagayn.

Intaas kadib, waxaan jecelahay in aan sharraxaad ka bixiyo arrin laga yaabo in dadka qaarkood si qaldan u fahmaan oo ah in Hadii Hawada Somaliland iyo Somalia-ba Halkan aynu ka maamulayno macnaheedu noqonayo Gef aynu galnay “Waxaan leeyahay Ninka Maamulka Hawadeena Hargeisa u diidani Ma Xamar Buu la Rabaa?!”

Waxaanan Cadaynayaa in Xukuumad ahaan aan waxba iska bekelin dabarkii ku xidhnaa isku gudubka Siyaasiyiinta ee labada dal, Somaliland-na meel adag ayey ka taagan tahay arrintaasi.

Ugu dambayn waxaan leeyahay aan meel uga wada jeesano horumarinta qarankeena iyo riyadeena, aan ku faraxno guulaha aan gaadhno inta dhimana rajo iyo dedaal ku hiigsano, tani waa guul inoo soo hooyatay, Alle ayaana Mahad leh..... Somaliland Guul iyo Gobonimo.

Maxay Cadawga Somaliland ka Yiraahdeen Heshiiskii Hawada Somalia iyo Somalialnd ee Istanbul?

Maxay Cadawga Somaliland ka Yiraahdeen Heshiiskii Hawada Somalia iyo Somalialnd ee Istanbul?

Saleban Ismail Bulale 'S. Xuquuq'

W/Q Saleban Ismail Bolaleh 'Saleban Xuquuq'

Mid ka mid ah wariyayaashii soo maray idaacada BBC laanteeda Afsoomaaliga oo lagu magacaabo Yuusuf Garaad, kaasi oo mudadii uu ka shaqaynayay BBC-da lagu bartay cadaawad aanu qarsan jirin oo uu  kaga soo horjeedo xaqa aayo ka tashiga shacbiga Somaliland, isagoo dadaal xoogan iyo tamar badan ku bixin jiray in dhinaca xun u dhigo wararka uu tifatirayo ee uu is yiraahdo dan ayaa ugu jirta dalka Somaliland, ayaa mar kale muujiyay sida aanu uga waantoobin cadaawadaasi uu shacabka Somaliland iyo Qaranimada dalkooda uu u hayo, kadib markii laga fariisiyay shaqadii wariyenimo ee uu ka hayay BBC-da. 

Taasina waxa daliil u ah qoraal dheer oo uu ku baahiyay bartiisa internetka isla markaasina lagu baahiyay mareegta Somaliland laga leeyahay ee waaheen.com waxa uu qalinka u qaatay sidii caadada u ahayd sidii aanu meelmar u noqon lahayn heshiiska taariikhiga ah ee ay wada galeen labada dal ee Somaliland iyo Somalia ee la xiriira dhinaca hawadu.  Sida ka muuqata qoraalkiisa Yusuf Garad waxa uu iska idho qarinayaa in Somaliland iyo Somalia ahaayeen labo dal oo midoobay, 1960, waxa uu ku eegayaa wadahadalada u dhexeeya Somaliland iyo Somalia indhihii Kacaankii 21 Octoobar oo dalkii la isku oran jiray Somalia  u qaybiyay 18 gobol.

Yuusuf Garaad qoraalkiisa isagoo ku dhererinaya dalka Somaliland gobolo ka mid ah Somalia waxa qoraalkiisa uu ku oranayaa “Maxaad hawada Soomaaliya ugu wareejiseen Gobollo aan caalamka iyo dowladda Soomaaliya midkoodna dowlad u aqoonsayn? Ayaa ka mid ah su’aalaha soo noqnoqonaya ee aad ka daalacan karto saxaafadda bulshada. Waxaa jiri doonta in Puntland oo iyadu isku dhererisa Somaliland, haddana aanay isku wanaagsanayn Dowladda Federalku, ay su’aalo waaweyn meesha keento. Puntland hadday weydiisato in dakhliga qeybteeda laga siiyo, waxay dad badan ula muuqan doontaa wax macquul ah.”

Somaliland uma diidana umana diidi karto hadii gobolo ama maamul goboleedyo ka tirsan dalka Somalia ay waydiisanayaan xukuumadooda Federaalka Somalia in ay siiso dhaqaalaha ka soo baxa qaybta ay xukuumadoodu ka hesho dakhliga Hawada ee dalkii la isku oran jiray Somalia iyo Somaliland.

Sida shaydaanku dhiiga dadka u raaco ayuu Yusuf Garaad isku dayayaa in uu qoraalkiisa afhayeen ugu noqdo bulshada Somaliland isagoo leh “Ergadii Somaliland ee Istanbul waxay u baahan yihiin fasiraad iyo ka dhaadhicin in ay u sameeyaan shacabkooda. Weliba shacabka Somaliland waxay leeyihiin cod si dimuqraaddi ah ay u adeegsadaan oo Madaxweynaha iyo xubnaha baarlamaanka ay ku soo doortaan.”

Markaad u fiirsato guud ahaan qoraalka Yusuf Garad oo u muuqda nin uga aqoon badan madaxda heshiiska kala saxeexatay iyo labada xukuumadood ee Somaliland iyo Somalia mawduuca ku saabsan maamulida hawada Somalia ayaa waxa uu taxayaa su’aalo badan oo uu sheegay in ay jawaabo u baahan yihiin, isku soo duuduuboo waxan Yusuf Garad u sheegi lahaa in uu marka hore indho caafimaad qaba ku eego Wadahadalada Somalia iyo Somaliland, in ay yihiin labo dal oo midoobay haatana midnimadii la kala noqday oo is waydiinaya waar ma midnimadii ayaynu boodhka ka tuna mise sideenii hore ayay inoogu badinayasaa oo labo dal oo Soomaaliyeed ayaynu noqonaa, oo danihii dhaqan dhaqaale cir iyo dhulba maxaynu ka yeelaa iwm, laakiin Yusuf ha ku eegin arintan indho xanuunsanaya oo Somalia ku eegaya indhihii Kacaankii 21 kii Octobar ee burburiyay midnimadii labadii dal ee Somalia kaasi oo oo Somalia u yaqaana in ay ka kooban tahay 18 kii gobol ee uu Naargale Maxamed Siyaad Barre u qaybiyay.

Hoos ka akhri Waxa ay Cadawga Somaliland ka Yiraahdeen Heshiiskii Hawada Somalia iyo Somalialnd ee Istanbul.

Dullimaadka hawada Soomaaliya

Inqaasta Yusuf-Garaad

Bishan July 9 keedii ayaa magaalada Istanbul ay mas’uuliyiin sare oo Soomaaliya iyo Somaliland ka socdaa waxay ku heshiiyeen in ay la soo wareegaan maamulka hawada Soomaaliya, in la isla maamulo iyo in Hargeysa laga maamulo. Waxaan qormadan ku soo bandhigayaa wixii laga soo maray in heerkan la soo gaaro, waxyaabo heshiiskan weli ka dhimman, waxa la maamulayaa waxa ay yihiin, qiyaasta dakhliga ka imaan kara iyo weliba haadaanta muuqata ee hor taalla meelmarinta heshiiskan.

Waxay ahayd 2002 markii Dowladdii (TNG) ee uu Madaxweynaha ka ahaa Cabdiqaasim Salaad ay weriyayaasha Muqdisho isugu yeertay ee dowladdu ku dhawaaqday in wixii “maanta ka dambeeya” hawada Soomaaliya laga maamuli doono Muqdisho. Waxaa weriyayaasha loo sheegay in loo oggol yahay in ay duubaan wadahadalka dhex maraya dayaarad ku jirta hawada Soomaaliya iyo sarkaal duulista hawada ah oo Raadiye la fadhiyay Muqdisho.

Sarkaalkii wey u suurta gashay in uu dayaarad la hadlo, markii ay isdhaafsadeen su’aalo iyo jawaabo tashwiish fara badani ku dhex jiro, ayaa waxaa soo dhex galay cod ka faseexsan labadaba oo duuliyaha ku yiri: Ha la hadlin qofkaas waa burcad. Annaga ayaa halkan kaa hagi doonna.

Codkaas ayaa soo af jaray muddo gaaban oo ay si xoog ah Dowladdii TNG ula wareegtay hawada Soomaaliya.

Sida uu berigaa qoray The Economist, taa waxaa ka horreyay isku day ay Somaliland damacday in xafiiska hawada Soomaaliya maamula ee Nairobi loo wareejiyo Hargeysa. Inkasta oo berigaas ay xirnayd gegida dayaaradaha ee Muqdisho, haddana arrintaas waxaa diidday Muqdisho oo ku hanjabtay in ay hawadeeda ka xireyso duullimaadyada caalamiga ah ee dul mara. Ilaa aakhirkii ay Hargeysa oggolaatay in xaalku sidiisa sii ahaado.

Dowladdii Shiikh Shariif ee TNG ayaa Ra’iisal Wasaare, Cumar Cabdirashdiid billaabay in uu isku dayo in uu soo ceshado maamulka hawada Soomaaliya. Wuxuu qoray codsi aan cidi dheg jalaq u siin. Wuxuuna Gegida dayaaradaha ee Muqdisho uu qandaraas ku siiyay in ay maamusho, sharikad laga leeyahay Dubai, oo la yiraahdo SKA.

Ra’iisal Wasaare Maxamed Cabdullaahi ayaa isaguna ka mid ahaa Madaxdii Soomaaliya ee isku dayay in ay maamulka hawada dalka ay kala soo wareegaan xafiiskii Nairobi laga unkay ee CACAS ee ay wadajirka u sameeyeen UNDP iyo Ururka caalamiga ah ee Duullimaadka. Codsigiisii lama meelmarin.

Soomaaliya hadda waxaa ka jirta Dowlad ka gudubtay ku meel gaar wixii loo yiqiin. Bishii May ee sannadkan ayaa Wasiirka Isgaarsiinta iyo Gaadiidka, Cabdullaahi Ciilmooge, wuxuu ku dhawaaqay warkan oo dad badani ku farxay. Bishii June ayay Golaha Wasiirradu ay Muqdisho fariisteen oo ay ansixiyeen qaanuun ku saabsan Duullimaadka hawada Soomaaliya, si Baarlamaanka loogu gudbiyo. Maalintaas waxaa xafiiska Ra’iisal Wasaare, Saacid Shirdoon, uu ku tilmaamay in qaanuunkaasi uu wax weyn ka beddeleyo oo kacdoon hor leh uu gelinayo madaxbannaanida hawada Soomaaliya.

Hawada la wareejinayo waa Soohdimaha caalamiga ah ee Soomaaliya oo dhan oo ay ku juraan Somaliland iyo hawada badda Soomaaliya. Waa marin dayaaradeed oo muhiim ah. Afrika iyo Carabta ayuu isku xiraa. Ma aha keliya dayaaradaha maalin kasta ka degeya Muqdisho, Hargeysa, Gaalkacyo, Kismaayo iyo meelo kala oo badan oo Soomaaliya ka tirsan. Sida aan ka akhriyay New York Times, qiyaastii 90 dayaaradood ayaa maalin kasta soo gala hawada Soomaaliya. Waxaa ka mid ah Air France oo u kala goosheysa Paris iyo Réunion. Emirates oo isku xireysa Dubai iyo Johannesburg. Dayaaradda Israel El AL oo Tel Aviv iyo Thailand isku xireysa. Mar kasta oo dayaarad Jet ah oo rakaab siddaa ay hawada Soomaaliya soo dul martana waxay bixisaa $275. 

Markii dowladda Soomaaliya ay ku dhawaaqday in ay la wareegeyso hagidda dayaaradaha, waxaa furka tuurtay Somaliland. Waxay ku hanjabtay kana dhabaysay in ay joojiso dullimaadyadii Qaramada Midoobay (QM) ee tegi jiray Somaliland. Waxay u aragtay in QM ay hawada “Somaliland” ku wareejineyso “Soomaaliya”.

Wadahadalkii Soomaaliya iyo Somaliland ee Istanbul, Turkiga (7-9 July) waxaa lagu heshiiyay in hawada la isla maamulo, lagana maamulo Hargeysa, caasimadda Somaliland.

Waxaa loo macneysan karaa in Somaliland ay heshay sidii ay dooneysay. Faallooyinka laga bixinayo heshiisku waxay muujinayaan dhinacyo Somaliland ah oo aad u soo dhoweeyay.

Laakiin qaar kale ayaa weyneyso ku eegaya heshiiska si ay gal daloollo uga helaan. Waxay u arkaan in arrintani ay si uun ugu soo dabbaaleyso wax wadaag ay la galaan Muqdisho. Waxay u arkaan in shaqaale iyo madax laga soo magacaabay Muqdisho ay ka hawlgeli doonaan Hargeysa. Waxay is leeyihiin waxaa heshiiskani muujineyaa in hawada Soomaaliya oo ay ku jirto Somaliland ay tahay mid qudha.

Ergadii Somaliland ee Istanbul waxay u baahan yihiin fasiraad iyo ka dhaadhicin in ay u sameeyaan shacabkooda. Weliba shacabka Somaliland waxay leeyihiin cod si dimuqraaddi ah ay u adeegsadaan oo Madaxweynaha iyo xubnaha baarlamaanka ay ku soo doortaan. Sidaa darteed dowladda Hargeysa wey uga nugashahay guuxa dadweynaha marka loo fiiriyo dowladda Muqdisho, oo iyadu aan weli heerkaas gaarin.

Ergada Muqdisho ka timid iyaga waxaa u yaalla su’aalo ka adag kuwa Hargeysa la is weydiinayo.

Maxaad hawada Soomaaliya ugu wareejiseen Gobollo aan caalamka iyo dowladda Soomaaliya midkoodna dowlad u aqoonsayn? Ayaa ka mid ah su'aalaha soo noqnoqonaya ee aad ka daalacan karto saxaafadda bulshada. Waxaa jiri doonta in Puntland oo iyadu isku dhererisa Somaliland, haddana aanay isku wanaagsanayn Dowladda Federalku, ay su’aalo waaweyn meesha keento. Puntland hadday weydiisato in dakhliga qeybteeda laga siiyo, waxay dad badan ula muuqan doontaa wax macquul ah.

Heshiiska weli waxaa ka dhimman tafaasiil. Yaa Madax u noqonaya Guddiga iskudhafka ah ee labada dhinac? Erayada (afgaradka) la isticmaalayo marka dayaaradaha lala hadlayo maxay noqonayaan? Si kale haddii loo dhigo, hawada ay maamulyaan magaceed?

Hawlgalku marka uu billowdo waxaa dhici karta in laba ama saddex jeer isla maalin gudaheed ay soo baxaan arrimo u baahan in cid iyaga ka sarreysa ay ula laabtaan, go’aan deg deg ahna loo baahdo. Marka ay xaaladdaasi timaad, yaa loo noqonayaa? Dakhliga sidee loo qeybsanayaa?

Dabcan Xafiisku wuxuu ahaanayaa Hargeysa. Raadiyuhu wuxuu oollayaa Hargeysa. Waxaa la ii sheegay in la filayo in Madaxa Kooxdu uu ka imaan doono Muqdisho, ku xigeenkuna Hargeysa. Laakiin tirada kooxda lama yaqaan. Weli laguma heshiin ayaan maqlayaa “code”-ka ama afgaradka ay isticmaali doonto. Dakhliga sida loo qeybsanayana weli laguma heshiin.

Haddii intaas oo dhan la isku af garto, weli waxaa taagan su’aalo kale. Tan iyo markii ay burburtay dowladdii dhexe ee Soomaaliya 1991, waa markii ugu horreysay ee Soomaali ay maamusho hawadeeda. Biseylkeedii ma leennahay?

Waxaan maqlayaa in ay dayaarado ka degaan Taleex iyo Buuhoodle, halkaas oo ay ku badan yihiin taageerayaasha Khaatumo State oo diiddan gooni isu taagga Somaliland. Somaliland ma oggoshahay in duullimaadyadaaasi  ay si habsami leh u socdaan?

Muqdisho waxaa hadda ugu yaraan khilaaf kala dhexeeyaa Kismaayo. Dayaaradaha u kala goosha Nairobi iyo Kismaayo ama Kismaayo iyo Puntland, waxay mararka qaar daad gureyaan siyaasiyiin ka dhan ah Dowladda marna dhaawac ay islaayeen ciidankeeda. Armay isku daydaa in ay faraha la gasho?

Mise waxaa la isticmaali doonaa xeerka caalamiga ah ee dayaaradaha yaryar  ku duulaya joogga gaaban ee dhul hawo wanaagsan oo duuliyuhu ku hagi karo dayaaradda araggiisa dhulka (VFR – Visual Flight Rules)? 

Haddii intaas oo dhan la isku af garto, si habsami lehna ay u socdaan howlaha duullimaadka hawada Soomaaliya iyada oo ay Soomaali hagayso, oo aan rajeynayo in ay sidaas u dhacdo, waxay noqneysaa guul u soo hoyatay Somaliya iyo Somaliland.

Waxaanan rajeynayaa in ay xigi doonaan heshiisyo ka sii muhiimsan oo aakhirka keena in midnimo ama deris wanaag mid uun la isku afgarto.

F.G. Ergooyinka Istanbul waxay isku hor fariisteen heshiiskana ku kala saxiixdeen in ay kala matalayaan: Dowladda Federaalka ah ee Soomaaliya iyo Dowladda Somaliland.