Haween Dhalasho Ahaan Ka Soo Jeeda Xaafada Daami Ee Dagan Wadanka Dubia Oo Deeq Lacageed Soo Gaadhsiiyey Qoysas Rabshado Dhawaan Xaafadaasi Ka Dhacay Lagaga Gubay Guryo.

Mid ka mid ah qoysaskii Guryahooda la gubay xaafada Daami ee Hargeisa 12/12/2013

Hargeysa - Haween Dhalasho Ahaan Ka Soo Jeeda Xaafada Daami Ee Dagan Wadanka Dubia Oo Deeq Lacageed Soo Gaadhsiiyey Qoysas Rabshado Dhawaan Xaafadaasi Ka Dhacay Lagaga Gubay Guryo.

Lacagtan oo uu cadadkeedu dhamaa 666 dollar iyo afar buste oo loo soo wakiishay la taliyaha madaxweynaha barkhad jaamac xirsi iyo liibaan ismaaciil Maxamuud ayaa ay maanta si rasmi ah ugaadhsiiyeen dadkaas ay dhibaatadu haleeshay ee dagan xaafada daami ee magaalada hargaysa.

Munaasibadii lagu wareejinayay deeqdan oo lagu qabtay xaafada Daami

Hadaba wareejinta deeqdan oo lagu qabtay xaafada Daami ayaa waxa ugu horeyn halkaasi ka hadlay liibaan Ismaaciil Maxamuud waxaana uu yidhi?waxaanu joognaa xaafada daami waana guryihii habeenkii dhawaytoole la gubay waxaanu uwadanaa deeq cadadkeedu dhanyahay 666dollar Iyo bustayaal waxaan ugu soo deeqa walaalo muslimiin ah kan soo jeeda beesha gabooye oo ku dhaqan dalka Duba lacagtan aan maanta gacanto ku hayo waxaa loo qaybin doona afartii qoyse ee Guryaha laga gubay,waxaan umahad naqayaa walaalah maanta deeqdan soo gaadhsiiyey dadka xaafada daami ku tabaalaysan ee ubaahan in la caawiyo,waxa maanta waxa ilaahay loogu mahad naqo ah 13kii habeen ee aynu soo dhaafnay dhibtii ka dhacay iyo sidii ilaahay umadiisa ugu soo sahlay waxa dhibaato ah oo intan aan ka badnayeyna aanu ka dhicin.

Dhanka kale waxa isna halkaasi ka hadlay La taliyaha Madaxwaynaha Barkhad Jaamac Xirsi waxaana uu yidhi?dumarkaas jooga magaalada Dubia ee masuuliyada gaarka ah iska saaray  dadkaas dhibaatada gaarka ahi ku dhacday ee Cariish-yadoodi ka gubteen  ee dhaxamahaas magaalada hargaysa ka dhacaya la dhibanaa waxaanu leenahay dadkaasi soo caawiyey walaalahooda baahan ilaahay miisaanka xasanaadka ha idiin saaro ilaahay sadaqo joogta ah oo jaari ah ha idiinka dhigo sharaf ayey nootahay inaan maanta goob joog ka noqono lacagtii aad maanta soo dirteen  si qiimo badan oo amaano iyo karaamo ka muuqato cidii aad soo wakiilateen oo ah liibaan ismaaciil maxamuud sidii aad usoo wakiilateen ayuu idinku soo gaadhsiiyey.

Mar uu Barkhad Qurbajoogta beesha dardaaran udirayey ayaa waxa uu yidhi?waxaan ugu baaqaynaa qurba joogta kale ee jooga qurbaha in ay kasoo qayb qataan waxa tarkaas fiican ee ay haweenkaasi soo tareen dadka ku tabaalaysan xaafada daami, tanina noqon mayso deeqdii ugu horeysa ee tu-tan ka badan ayaanu sugaynaa oo nala soo gaadhsiin doono haday xukuumada tahay iyo haday tahay shacab reer somaliland.

Dhinaca kale dumarka iyagana la gaadhsiiyey deeqdan oo dagan xaafada ayaa uga mahad naqay sida wanaagsan ee ay usoo gaadhsiiyey taliyaha madaxweynaha barkhad jaamac xirsi iyo liibaan ismaaciil Maxamuud waxaan ilaahay ubaryeen dadkaas soo caawiyey inuu ilaahay miisaanka xasanaadka ugu daro uguna mahad naqay dumarkaas isasoo xil-qaamay.

Source: Hadhwanaagnew