Washington - Dawladda dalka Mareykanka ayaa ka digtay
suurta-galnimadda weerarro argagixiso oo lagu bar-tilmaameedsado danaha
xarumaha gaarka ah ee uu wadanka Maraykanka uu ku leeyahay dalka Kenya, sidaana
waxa lagu shaaciyay warbixin ay soo saartay waaxdda arrimaha Dibadda Maraykanka
u qaabilsan ammaanka dibadda.
War-bixintan digniinta ah waxa lagu sheegay in
Urruradda ka soo hor-jeeda dannaha reer
galbeedka ee Xarakadda Al-Shabaab iyo
kooxdda mitidka ah ee ka jirta gudaha dalka Kenya ee lagu magacaabo Al-Hijra,
ay maleegayaan in ay bar-timaameeedsadaan xarumaha khaaska ah ee uu Maraykanku
ku leeyahay gudaha wadanka Kenya.
Sidoo kale, war-bixintani waxa ay ugu baaqday
muwaadiniinta Maraykanka ee ku sugan gudaha Kenya gaar ahaan caasimadda Kenya
ee Nairobi iyo magaalo xeebeedka dekadda ah ee istaraatijiga ah Mombasa, in ay
muujiyaan feejignaan dheeraad ah oo heerkeedu aad u sareeyo, waxaanay
war-bixintu kula talisay Muwaadiniinteeddaa in aanay tagin goobaha muhiimka ah
ee ay dadku isugu yimaadaan sida Xarumaha ganacsiga ee laga dukaamaysto,
Huteelada, Baararka, iyo Kiniisadahaba.
Digniintan ay soo saartay dawladda Maraykanku waxa ay ku
lug leedahay weerarkii dhawaan lagu qaaday xaruntii ganacsiga ee Westgate Mall,
ee ku taalay badhtamaha caasimada Kenya ee Nairobi oo ay ku dhinteen in ka
badan Todoba iyo Lixdan qof.
No comments:
Post a Comment