Wasiirka Arrimaha Dibedda ee dalka Yeman, Abu Bakar
Al-qirbi iyo Wafdi ka socda Guddiga QM ee La-socodka Xayiraadda Hubka ee saaran
dalalka Somalia iyo Eritrea ayaa kulan khaas ah ku yeeshay caasimadda dalkaasi
ee Sanca.
Labada dhinac ayaa waxay kulankooda iskula eegeen sidii
loola socon lahaa Hawlaha Kormeerka iyo dalalka ku xadgudba Xayiraadaasi.
Wasiirka Arrimaha Dibedda ee Yeman, waxa uu tilmaamay
inaysan Dowladiisa marnaba doonaynin in lagu xadgudbo Xayiraadaasi, si Dowladda
Somalia uga badbaado dhibaato kaga timaad hubka ku qulqulayo.
“Dowladda Yeman waxay iskaashi ka samaynaysaa sidii looga
hortegi lahaa hubka loo tahriibiyo Somalia” ayuu yir Wasiirka, oo hoosta ka
xariiqay in Danta Yeman ku jirto Deganaanshaha Geeska Afrika.
Khubarradda ka socotay QM waxay soo dhaweeyeen hadalka
Dowladda Yeman ioyo inay labada dhinac iska kaashadaan Ka-hortegidda shixnadaha
hubka ee loo tahriibiyo gudaha dalka Somalia.
No comments:
Post a Comment