Wasiirka Wasaaradda Arrimaha Gudaha Soma,iland Maxamed Nuur Carraale Duur ayaa Xabsiga Dhigay Ganacsade Maxamed Dable oo leh Wershada Raaxo oo ka kooban afar Wershadood oo soo saara Buushka, Balastic, Karaatoonta iyo caagada.
Xadhiga Ganacsade Maxamed Dable ayaa la sheegay inuu ka dhashay Kaftan ay isku weydaarsadeen isaga iyo Wasiir Duur Hotelka Maan soor oo ay xalay ku wada cawaynayeen, waxaaa la sheegay in uu kaftnakaasi ka xumaaday, kadib markii ay kala aragti ka noqdeen qaabka ay xukuumaddu Dalka u maamusho.
Ilo wareedyo xogogaal ah ayaa Waaheen u xaqiiyay inay Ciidamo Booliis ahi ka qabteen Ganacsade Maxmed Dable isla Hotelka Man soor, kadib sida ay sheegeen ilo wareedyadaasi markii uu Wasiir Duur Telefoon kula hadlay Taliyaha Booliiska Qaybta Galbeed, kaasoo ciidan dul keenay Ganacsadaha.
Ganacsade Maxamed Dable ayaa ku xidhan Saldhiga Degmadda Ibraahim Kood buur, halkaas oo uu xalay u hoyday.
Wasiirka Wasaaradda Arrimaha Gudaha oo aanu isku daynay inaanu xadhiga Ganacsadaha wax ka weydiino ayaa naga qaban waayay Telefoonkiisa.
Short URL: http://waaheen.com/?p=56843
This is where you can follow inside Somaliland socio-economic and security related issues together with democracy and human rights stories
No comments:
Post a Comment