Wararkii ugu dambeeyay qaraxa maanta ka dhacay Magaalada Muqdisho “Daawo Sawirada”

Warar dheeraaad ah ayaa waxay ka soo baxayaan qaraxii miino ee maanta ka dhacay Isgoyska KM4 ee Magaalada Caasimada ah ee Muqdisho.

Telefishinka Al Jazeera ayaa wuxuu tabiyay in gaari laga soo buuxiyay walxaha qarxa la soo dhigay Shaneemo ku taala Isgoyska KM4, waxaana lagu doonaayay in lagu qaarajiyo Wasiirka Arrimaha Gudaha ahna Amniga Qaranka C/Kariin Xuseen Guuleed iyo wefdi Ajnabi ah oo la socday.

Iyadoo Wasiirka iyo wefdigiisa ay marayaan Isgoyska KM4 ayaa waxaa lagula eegtay qaraxaan, oo si weyn u gil gilay Isgoyska KM4 iyo inta badan Magaalada Muqdisho.

Balse qaraxaan ayaan wax yeelo ka soo gaarin Wasiirka iyo xubnihii kale ee ku wehlinaayay socodkaan, hase ahaatee taasi bedelkeeda ayaa waxay wax yeelo ka soo gaartay dad masaakiin ah.

Ciidamada Dowladda oo soo gaaray goobta uu qaraxu ka dhacay ayaa waxay ku guuleysteen inay xiraan, sidoo kalana ay goobtaasi soo gaaraan gawaarida dab damiska loo yaqaano, kuwaa oo ku guuleystay inay dambiyaan dab ka kacaayay gaarigii qaraxa laga soo buuxiyay.

Majirto wax war ah oo ilaa iyo iminka ka soo baxay dhinaca Dowladda Soomaaliya, oo ku aadan qaraxa culus ee maanta ka dhacay Magaalada Muqdisho.