Hargeysa (HWN):- Xarun cusub oo ka shaqayn doonta u doodista xuquuqda aadamaha aya waxa lagu daahfuray magaalada Hargeysa taasi oo loo bixiyey Xaruntax xuquuqda aadamaha (Human Rigths Center).
Munaasibada lagu daah furayey xarunta cusub ee u doodi doonta xuquuqda bina aadanka oo lagu qabtay Hotel Maansoor ee magaalada Hargeysa ayaa waxa ka soo qayb galay xildhibaano ka tirsan golaha wakiilada Somaliland,hogaanka xaruntaas iyo marti sharaf kale.
Ugu horayna waxa munaasibadan ka hadlay gudoomiyaha xaruntan cusub ee ilaalinta xuquuqda bina aadanka ayaa ka waramay muhiimada ay leedahay in la ilaaliyo xuquuqda bina aadanka, isaga oo ka waramay ujeedada loo furay xaruntan waxaanu yidhi ? Muhiimada uu xuquuqal insaanku leeyahay sida wax barashada , caafimaad iyo waxyaabaha u aasaasiga ah nolosheena , waxaana ka mid ah xuuquuqda shaqaalaha waxaana laga yaabaa in ay shaqeeyaan xaalado aad u adag kuna shaqeeyaan xaalad mushahar aad u hooseeya.?
Gudoomiyaha oo hadalkiisa sii wata ayaa intaas raaciyey ?qaxoontiga ku nool dalkeenu waxay u baahan yihiin tirakoob, waxaanay xaruntani u furan tahay inay si dhex dhexaad nimo ah ugu adeegto xuquuqda aadamaha.?
Sidoo kale xildhibaan Ibraahin Mahdi Buubaa oo ka mida mudanayaasha golaha wakiilada Somaliland oo munaasibadan ka hadlay ayaa sheegay inay muhiin tahay in wax laga qabto tacadiyada ka dhanka ah xuquuqda bina aadanka ah ? Waxaa muhiim ah in wax laga qabto tacadiyada faraha badan ee loo gaysto haweenka in wax laga qabto , taasi oo ah in ay waxii xaq ah ee uu inanku helo in ay gabadhuna hesho , waxaana ka mid ah dhibaatooyinka hadda loo gaysto dumarka kufsiga , oo ah kiisaska ugu badan ee hadda dhaca?
Xildhibaanka oo hadalkiisa sii wata ayaa intaas raaciyey ?Bulshadeena iyo dawladu way iska horyimaadaan , waxaana dhacda in ay hay?adda xuquuqal insaanku hoosta ka xariiqaan , waxaana idinka (Xaruntan) idinku waaninayaa in aydun u adkaysataan arrimahaasi?.
Pro Aadam Xaaji Cali oo ah madaxa machadka xalinta khilaafaadka ee jaamacadda Hargeysa oo ka mid ahaa dadkii madasha lagu soo casuumay oo munaasibadaasi ka hadlay ayaa halkaasi kula dardaaray aasaasayaasha ururkan in aanay ka niyad jabin haddii ay carqaladu ka soo waajahaan geedi socodka shaqada ururka oo uu xusay in ay inbadan dhacdo isaga oo ku sababeeyey waxyaabihii laga filaayey oo la waayo
Wasiirka cadaaladda Xuseen Axmed Caydiid oo isaguna munaasibadan ka hadlay ayaa yidhi ? arrin aan is leeyahay waxay soo baxday baryahan dambe oo an isleeyahay haddaba sharcigu wuu maqanyahay , sida jeel magnuunka oo macagiisu sidaasi ahayn oo ah xarun caafimaad dhallinyartu waa in ay kala ogaato in ay dabaqado kala leeyihiin xuquuqdu , oo ay ka mid tahay xaqa uu qof leeyahay oo ah intaanu wax u dhimaynin xaqa qofka kale , taasina waa in sidaasi loo ilaaliyaa , maxakamadaheenu waxay u aasaasanyihiin in ay xuquuqda ilaaliyaan iyaga iyo hay?adaha xuquuqduba?
No comments:
Post a Comment