War Deg Deg Ah: Ciidamada Amaanka Somaliland oo Xabsiga u Taxaabay Boqor Raabi oo dhawaan ka soo laabtay Muqdisha

Ciidamadda Booliska Somaliland ayaa goor dhaweyd ka qabtay xafiiska agaasimaha guud ee wasaaradda duulista hawada Axmed Dalal Faarax, Boqor Raabi Yuusuf Cabdillaahi oo muddooyinkii ugu danbeeyay ku maqnaa dalka Somaaliya, isagoo kaga qaybgalay shirarkii ka dhacay Magaaladda Muqdisho.

Lama garanaayo goorta iyo goobta uu Boqor Raabi ka soo galay Somaliland maadaama oo lagu ogaa isagoo ku sugan Dalka Dibadiisa , balse warar rasmiya ayaa u xaqiijiyay Shabakadda Baligubadlemedia  in Boqor Raabi uu socdaal xagga dhulka ah ku soo galay dalka. Saaka ayay ciidamadda ammaanku ka warheleen inuu ku suganyahay xafiiska agaasimaha guud ee Wasaaradda duulista hawada, kaas oo ku yaala daarta ka soo horjeeda Baar Hargaysa.

Lama oga sababta dhabta ah ee ku soo kalihisay Xafiiska agaasimaha guud iyo inay ku balan sanayeen, balse markii ay ciidamadda ammaanku ka warheleen inuu ku suganyahay dhismaha Wasaaradda duulista ayay ugu yimadeen isla markaana xabsiga uga taxabeen. Boqor Raabi ayaa tiraba dhawr jeer ka qaybgalay shirar lidi ku ah qaranimada Somaliland, siduu u sheegay Shabakadda Baligubadlemedia  taliye ka tirsan laanta socdaalka Somaliland, ma jirin wax cafis ah oo loo fiday Boqor Raabi iyo miduu soo dalbadayba, isagoo taliyaha oo ka cudur daartay in magaciisa la xusaa noo cadeeyay in Boqor Raabi ku jiray dadka khiyaamada qaran kaga maqnaa dalka.