AL SHABAAB OO QUDHA KA JARAY 39 qof oo ku dhimatay weerar ay ku qaadeen shalay goob laga dukaamaysto magaalada nairobi/kenya.

Nariobi - Ciidamada ammaanka ee Kenya, ayaa sheegay in ciidamadoodu ay wali wadaan raadinta nimanka wajigu u duuban yahay ee hubaysan ee weerarka ku qaaday xarunta Dukaamada Ganacsiga Westgate ee Nairobi.

Waxaa laga maqlayey rasaas iyo qaraxyo habeenimadii xalay gudaha daarta weyn ee Dukaamada ganacsiga oo ah afar dabaq.
Mas'uuliyiinta ayaa sheegay in kooxaha weerarka soo qaaday meel la isugu geeyey ka mid ah daarta dhexdeeda.

Madaxweynaha Kenya ayaa sheegay in ay 39 ( soddon iyo sagaal ) qof ku dhinteen weerarka oo ay ku jiraan dad ka tirsan reerkiisa. In ka badan 150 ( boqol iyo konton ) qof ayaa iyaguna ku dhaawacmay.

Wasiirka Ammaanka ee Dalka Kenya ayaa sheegay in kooxda weerarka soo qaaday ay afduubteen dad.

Al-Shabaab ayaa sheegaty in ay ka danbaysay weerarka. Waxay sheegeen in ay ka jawaabayeen ciidamada Kenya ee ku sugan Somaliya. Al-Shabaab ayaa sheegtay in kooxaha weerarka soo qaaday ay diideen in ay isku dhiibaan ciidamada Kenya.

Ciidanka Kenya ayaa sheegay in uu dhintay mid ka mid ah kooxihii weerarka soo qaaday oo dhaawac isbitaalka loogu qaaday.