Madaxweynaha Oo Kormeer Ku soo maray Madaarka Hargeysa oo dib u habayn lagu sameeyay

Madaxwaynaha JSL Mudane Axmed Maxamed Maxamuud (Silaanyo) Oo Gacan Qaadaya Suldaan Maxamed Suldaan Cabdiqaadir.

HARGEYSA- Madaxweynaha Jamhuuriyada Somaliland Mudane, Axmed Maxamed Maxamuud (Silaanyo) waxa uu maanta Duhurnimadii kormeer shaqo ku soo maray Garoonka Diyaaradaha ee Egal international Airport Hargeisa oo hada dhismihii Runway-gu uu gebegabo yahay dhawaana la furi-doono insha allaah.
Kermeerkan madaxweynaha oo ahaa mid kedis ah saxaafaduna aanay ogayn ayaa waxa uu madaxweynuhu ku soo kormeeray dhamaan qaybaha kala duwan ee Airport ka isoo kalena waxa uu madaxweynuhu soo maray wadooyinka Caasimada, xaafadaha kala duwan ee magaalada Hargeisa, isaga oo u kuur gelaya baahiyaha iyo horumarka ka socda caasimada taasi oo madaxweyne Axmed Silaanyo ay bulshadu ku amaanto marwalba.

Madaxweynaha Siilaanyo ayaa noqonaya madaxwaynihii ugu horeeyey oo xili habeenimo ah iyo maalinba ku soo mara kormeero kadis ah isaga oo aanay wehilinin Ciidamo xoogan oo ilaalinaya iyo saxaafad dabo yaacaysa toona, arimahan ayaa daboolka ka faydaya sida ay uga go'an tahay madaxayne Siilaanyo in uu xog ogaal u noqdo sida ay u socdaan hawlgada iyo adeegyada xukuumadiisu  qaranka ugu xilsaaran tahay halkii isaga looga warami lahaana indhihiisa ku soo arka sida laamaha dawladiisu xilkii umadu u dhiibatay u gudanayaan.

Madaxweynaha waxa kormeerkan ku wehelinaayey Marwada koowaad Dalka Marwo Aamina Xaaji Maxamed Jirde, Wasiirka Waxbarashada Samsam Cabdi Aadan iyo Suldaan Maxamed Suldaan Cabdiqaadir.