Korontadani waxay u suurtogelinaysaa in Diyaaraduhu Habeenimada soo degi karaan
Mashruuc Korontada looga dhalinayo Hawada (Wind Power), kaasoo Habeen iyo maalinba shaqayn doona, waxaana Madaarka lagu rakibay Laambado waaweyn oo habeenkii Ifaya.
Mashruucan
waxa maal-gelisay Hay’adda Maraykanka ah ee USAID, waxaana fulisay
Hay’adda DAI, waxaanu ka kooban yahay shan Marawaxadood oo waaweyn,
kuwaas oo Koronto ka badan madaarka dhalinaysa.
Mashruucan
oo loogu talogalay in furitaankiisa la raaciyo maalintii madaarka la
furay ayaa dib loogu dhigay wakhtiga ay bilaabmayaan duulimaadyada
Xajku, waxaana lagu wadaa toddobaadka soo socda in Madaxweyne Siilaanyo
si rasmi ah xadhiga uga jaro.
Waxa iska
kaashaday Fulinta Mashruucan wasaaradda macdanta iyo Tamarta Somaliland,
Wasaaradda Duulista iyo Hay’adaha maal-geliyay, kuwaas oo Qanadaraas ku
siiyay Khubaro qurba joog ah.
Laydhkan
ayaa lagu wadaa haddii uu ka bato madaarka Hargeysa in lagu baahiyo
xaafaddaha ka ag dhaw madaarka isla markaana uu ka helo dhaqaalihii
marka hore isaga kaga bixi jiray Korontada oo bishii gaadhayay ilaa shan
kun oo Dollar.
No comments:
Post a Comment