Golaha Deegaan Hargeysa oo Doortay Maayorka Cusub ee Caasimad

Afar iyo labaatan ka xildhibaan Fadhiga ay yeesheen Goluhu ka soo xaadiray ayaa dhamaantood Cod aqlabiyad ah ku doortay C/raxmaan Maxamuud Caydiid (C/rasman SOLTECO) in uu noqdo Duqa Caasimada Hageysa

Hargeysa - Golaha Deegaanka Caasimada Hargeysa ayaa doortay Maayar Cusub oo badali doona maayorkii hore ee Geeriyooday, fadhi aan caadi ahayn oo ay maanta yeesheen  Xildhidhibaanadaasi oo ay ka soo xaadireen 24 ayaa ay Maayorka Caasimada U doorteen  C/raxmaan Maxamud Caydiid (C/raxmaan Soltelco)

Maayir ku xigeenka Caasimada Hargeysa Cabdi Casiis  Maxamed Xaashi Cagaweyne oo Gudoominayey kalfadhigaa Golaha deegaana ayaa Ugu horeyn sharaxaad ka bixiyey Ujeedada Fadhigaasi waxaanu yidhi “Kal fadha aan caadi ahayn oo uu yeeshay Golihii Deegaanka ee Caasimada Hargaysa ka dib markii ay geeriyi ku timid mayorkii Caasimada loo doortay En. Yuusuf Warsame siciid Allah Ha u naxariistee, wuxuu Goluhu shirkan aan caadiga ahayn ku dooranayaa Gudoomiye Hogaamin doona siyaasada Golaha, noqona doona Duqa Caasimada Hargeysa iyadoo la eegayo xeerka ismaamulka Gobolada iyo Degmooyinka”

Afar iyo labaatan ka xildhibaan Fadhiga ay yeesheen Goluhu ka soo xaadiray ayaa dhamaantood Cod aqlabiyad ah ku doortay C/raxmaan Maxamuud Caydiid (C/rasman SOLTECO) in uu noqdo Duqa Caasimada Hageysa. Fadhigan lagu doortay Duqa Caasimada ee cusub waxa isagu ka maqnaa oo aan ka soo xaadirin Hal xildhibaan oo aan la shaacin sababta uu uga maqnaa fadhigaasi,mar kale ku xigeenka Duqa magaalada Hargeya Cabdi casiis Cagaweyne uu halkaas ka shaaciyey Cida Duqa cusub ee  Caasimada Hargeysa loo doortay “waxaa maanta halkan lagu doortay Duqii Caasimada Jamhuuriyada Somaliland oo saacadaa  laga bilaabo ah C/raxmaan Maxamud Caydiid (C/raxmaan Soltelco)”.

Wasiirka Wasaarada Arimaha Gudaha Somaliland Maxamed Nuur Caraale (Duur) oo Goob joog ka ahaa Shirkaasi ayaa kadib markii la doortay maayarka Cusub ee Caasimada Hargaysa kula dardaarmay inay si wanaagsan u wada shaqeeyaan isagoo ka dhawaajiyey inuu dayac fara badani ka muuqdo Caasimada Umadii Soo Dooratayna ay  ka Dhursugayso Waxqabadkooda

Shacabkii idin doortay ayaa idin sugaya hawl baa la idinka sugayaa caasimadiina dayac badan baaka muuqda, ilaahay waxaan ka baryayaa kuwii umdaa furan lahaa ee magac iyo muuqaal kaga tagi lahaa inaad noqotaan, dadkiinan meesha fadhiya oo dhana dhalinyaro ayaad tihiin marka xildhii maanta dhaliraa haysaa hadaynu dilnana dhalinyaro dambe mustaqbal malaha tartankuna wuu kulul yaahay laakiin tanaasulka maanta aad samayseen iyo isku duubnidu waxay keenaysaa in Golaha iyo karaamadiisuba mid jirta ay noqoto” ayuu yidhi Wasiir duur

Maayarka Cusub ee loo doortay Caasimada Hargeysa C/raxmaan Maxamud Caydiid (C/raxmaan Soltelco) ayaa shaaca ka qaaday inuu ku shaqayndoono talawadaaga iyo wada tashi waxaanu yidhi “waxaan samayn doonaa inaan mudane yaasha isku wado dhamaantood una cadaaladsameeyo sifiicana u wada shaqayno tala dooda aan ku shaqeeyo wixii barnaamij ah ee ay soo jeediyaana aan kula shaqeeyo markastana aan talo iyo xisaabtan dhaba soo dhaxdhigo mudanayaasha” ayuu yidhi Maayorka Cusub ee Hargeysa Cabdiraxmaan Soltelco

Xildhibaanada Goalaha Deegaanka ayaa maalmihii la soo dhaafa ku loo lamayey buuxin jagada maayirnimada ee uu ka Geeriyooday AllAAH ha u naxariistee EN.Yuusuf Warasame Siciid oo ahaa maayirkii Caasimada Hargeysa