Boqoradda Holland Oo Abaal Marin Caalami Ah Usoo Dirtay Abwaan Hatraawi

Abwaanka wayn ee Soomaaliyeed Maxamed Ibraahim Warsame Hadraawi ayaa la gudoonsiiyay Abaalmarin caalami ah isaga oo sheegay in uu sii wadi doono howlihiisa suugaaneed ee Soomaalidu uu ku baraarujiyo.

Danjiraha Dalka Holand u fadhiya magaalada Nairobi Jos Rinj oo gudoonsiinaya Hadraawi Abaalmarinta, Wasiirka Waxbarashada Somaliland Zamzam Abdi Aden oo la joogta

Abwaan Maxamed Ibraahim Warsame Hatraawi oo Abaalmarintan lagu gudoonsiiyay munaasabad lagu qabtay magaalada Hargeysa, taas oo ah Abaalmarin ay sanadkiiba mar bixiso boqorada dalka Holand.

 

Dan-jire ka socda Dalka Holland u fadhiya dalka Kenya Jos Rinajs ayaa xalay Hargeysa munaasibad loo qabtay ku guddoonsiiyay Abwaan Maxamed Ibraahim Warsame Hadraawi Abaal Marin Caalami ah oo ay boqorada Dalkaasi sanad walba guddoonsiiso shakhsiyaadka Caalamka wax ku soo kordhiya Suugaanta iyo Horumarka.

 

Abwaan Hadraawi oo ka hadlay Abaal marin taasi ayaa yiri  “Boqorada Holland ayaa abaal marin ii soo dirtay, ma garanayo sida ay ku soo heshay warkayga laakiin Abaal marinta mar hore ayaa la igu wargeliyay, oo waxaa ka mid ahayd lacag cadaan ah oo ($25,000) oo mar hore I soo gaartay.”

 

Waxa uu sii raaciyay isagoo sharaxaya sababta uu ku mutaystay “Waxa aan filayaa uun kolay Suugaantayda meel kasta way ka heleen oo waxa faafiyay warbaahinta iyo dalkayga, waanan ku faraxsanahay in dadkayga dhexdiisa la igu siiyo abaal marinta oo aan ku faanayo”.

 

Danjiraha Dalka Holand u fadhiya magaalada Nairobi Jos Rinjs oo ka hadlay Munaasabadaasi ayaa sheegay in Abwaan Hatraawi uu qabtay shaqo aad u weyn,  sidaasi darteedna munaasabadan loogu dabaaldegayo Abaalmarinta Boqorada Holland ugu talagashay Abwaan Hatraawi.

 

“Waxaa ii sharaf ah in dowlada Holand gaar ahaan Prins Clows abaalmarin ay iigu deeqday aniga iyo umada aan ka dhashay an halkan ku gudoomo, Abaalmarintani waa dhiirigelin I fareysa inaan dadaalkeeyga sii kordhiyo, arintuna waxey salka ku heysaa in qofku macna yeesho’’ sidaasi waxaa yiri Abwaan Maxamed Ibraahin Warsame Hatraawi.

 

Abwaan Hatraawi ayaa ah suugaanyahan Soomaaliyeed, kaasoo tiriyey gabayo fabadan, islamarkaana wax badan ka qoray dhaqanka iyo sugaanta Soomaalida.