Xukuumadda oo ku jirta qal-qaalo ay ku Iibinayso Hotelka Dawladda ee Hargeysa Club

Saturday, December 15th, 2012

Wasaaradda Hawlaha Guud iyo Guryaynta ayaa qoraal ay ku Amrayso inuu ku baneeyo Hotelka u qortay Maareeyaha Hargeysa Club, qoraalkaasoo lagu xusay inaanu wax faa’iido ah u soo hoynin Dawladda.

Inkasta oo aanu qoraal kaasi Waaheen si rasmi ah u soo gaadhin, hadana waxa u xaqiijiyay Ilo wareed rasmi ah oo arkay Amarkaasi ay wasaaraddu ku dalbanayso in lagu baneeyo.

Ilo wareedkaasi waxa uu sheegay in ay Xukuumaddu qorshaynayso maadaama aanu Hotelka Dawladda ee Hargeysa Club wax faa’iido ah u soo hoynayn inay Iibiso, isla markaana wax kale ku bedelato.

Hore Xukuumaddu waxay u iibisay wasaaraddii Duulista Hawada iyadoo sheegtay inay dhisme kale u samaynayso hase yeeshee waxa ay dib u kiraysatay isla xaruntii wasaaradaasi kadib markii ay dhisi weyday meel kale.

Madaxweynaha Somaliland Axmed Maxamed Maxamud Siilaanyo iyo Wasiirkiisa Hawlaha Guud ba waxay dhawaan soo kala saareen Digreetooyin ay Guryaha iyo dhismayaasha Dawladda gacantooda ugu soo celin lahaayeen.

Sidoo kale Hore waxa ay Xukuumaddu u soo saartay Qorshe ay ku doonayso inay Guryaha Dawladda Iibin doonto isla markaana ay ugu bdedli doonto dadweynaha Mashaariic Horumarineed oo ay shaqo ka helaan balse ilaa hada Qorshahaasi muu hirgelin.

Toddobaadkii horwena Madaxweyne Axmed Siilaanyo waxa uu si rasmi ah ugala wareegay Gurigii uu ku jiray wasiirkii hore ee Arrimaha dibeda ee xukuumaddii Rayaale C/laahi Maxamed Ducaale kaasoo ku dhegsan Xarunta Madaxtooyadda.

source: http://waaheen.com/?p=55619